„ლელოს" ერთ-ერთი ლიდერი საბა ბუაძე დედაქალაქში ძლიერი წვიმის შედეგად განვითარებულ მოვლენებს ეხმაურება.

საბა ბუაძე აცხადებს, რომ 1,5 მილიარდიანი ბიუჯეტის მიუხედავად დედაქალაქი კვლავ მოუმზადებელი ხვდება სტიქიას.

„სამწუხაროდ, მცირე კრიზისი საკმარისია იმისთვის, რომ კიდევ ერთხელ გამოჩნდეს როგორი მიგდებულია თბილისი და მთელი საქართველო.

როგორც ამბობენ ძლიერი ნალექია და რა თქმა უნდა, ასეთ ვითარებაში რთულია კარგი მოლოდინი გქონდეს. თუმცა, ხელისუფლების საქმე სწორედ ესაა, გააკეთოს სწორი გათვლები და ქალაქის ინფრასტრუქტურა შესაბამისად განავითაროს.

შეგახსენებთ, რომ ბოლო წლებში თბილისის ბიუჯეტმა 1.5 მილიარდ ლარს გადააჭარბა.

რა და როგორ უნდა გაკეთებულიყო ეს მომავალი დღეების დისკუსიაა. ახლა მხოლოდ ჩვენი სამაშველო სამსახურების იმედი მაქვს და გამძლეობა მინდა ვუსურვო მათაც და ყველას ვინც სტიქიას საკუთარ სახლებში საკუთარი ხელით ებრძვის", - წერს „ლელოს" საკრებულოს ფრაქციის თავმჯდომარე, საბა ბუაძე.