რომის პაპი ფრანცისკე, ისტორიაში პირველად, სამოციქულო ვიზიტით მონღოლეთს ეწვია და ქვეყნის პრეზიდენტსა და პრემიერ-მინისტრს შეხვდა. მედიის ცნობით, პაპმა ფრანცისკემ წმინდა პეტრესა და პავლეს საკათედრო ტაძარი მოინახულა, სადაც მორწმუნეებს სიტყვით მიმართა და განაცხადა, რომ ქრისტეს მოციქულთათვის პოლიტიკური მანდატი არ მიუცია, მაგრამ უბრძანა მათ რწმენით უმკურნალონ ტანჯულ ადამიანებს.
„მთავრობებს და საერო დაწესებულებებს ეკლესიის მუშაობის არ უნდა ეშინოდეთ, რადგან ეკლესიას არ აქვს პოლიტიკური პროგრამა, რომელიც შესრულებას საჭიროებს", - განაცხადა რომის პაპმა.
ხვალ, რომის პაპი წირვას ჩაატარებს, რომელსაც შეუერთდებიან მომლოცველები: ჩინეთიდან, სამხრეთ კორეიდან, ვიეტნამიდან, ყაზახეთიდან, რუსეთიდან და სხვა ქვეყნებიდან.
