სპეციალური პენიტენციური სამსახური ქუთაისის მე-2 დაწესებულებაში პატიმრების ბუნტის შესახებ ინფორმაციას უარყოფს და აცხადებს, რომ „რაიმე განსაკუთრებულ ექსცესს ადგილი არ ჰქონია და საპატიმრო ჩვეულ რეჟიმში მუშაობს“

სპეციალური პენიტენციური სამსახური უარყოფს გავრცელებულ ინფორმაციას, რომ ქუთაისის მე-2 პენიტენციურ დაწესებულებაში პატიმრების ბუნტია.

როგორც „ინტერპრესნიუსს“ სპეციალურ პენიტენციურ სამსახურში განუცხადეს, დაწესებულებაში განსაკუთრებულ ექსცესს ადგილი არ ჰქონია.

„დაწესებულება ჩვეულ რეჟიმში ფუნქციონირებს და რაიმე განსაკუთრებულ ექსცესს ადგილი არ ჰქონია“, - აცხადებენ უწყებაში.

ცნობისთვის, ცოტა ხნის წინ, სოციალურ ქსელში გავრცელდა ინფორმაცია, რომლის მიხედვითაც, ქუთაისის მე-2 პენიტენციურ დაწესებულებაში ბუნტია და 50-მდე პატიმარმა თვითდაზიანება მიიყენა.