აფხაზეთიდან დევნილი ახალგაზრდები, სქილვილში სრული დაფინანსებით ისწავლიან

იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატი, სქილვილთან თანამშრომლობით და პარტნიორობით, პროექტის „თანამედროვე ტექნოლოგიური პროფესიების შესწავლა აფხაზეთიდან დევნილი ახალგაზრდებისთვის“ განხორციელება დაიწყო.

ერთობლივი პროექტის ფაგრგლებში, აფხაზეთიდან დევნილი ახალგაზრდები, სქილვილში, სრული დაფინანსებით ისწავლიან ისეთ პროგრამებზე, როგორიცაა IT პროექტების მართვა, UX/UI დიზაინი და ციფრული პროდუქტების ტესტირება. მონაწილეები 3 თვის განმავლობაში, შრომის ბაზარზე ყველაზე მოთხოვნად, თანამედროვე ტექნოლოგიურ პროფესიებს დაეუფლებიან.

„პროექტი ხელს შეუწყობს დევნილი ახალგაზრდების სამოქალაქო ინტეგრაციას, ისინი, სრული დაფინანსებით შეისწავლიან ისეთ თანამედროვე ტექნოლოგიებს, რომელებიც მათ შესაძლებლობას მისცემს შრომით ბაზარზე იყვნენ კონკურენტუნარიანები“, - აღნიშნა მინისტრმა, გიორგი გაბედავამ.

„ჩვენთვის მნიშვნელოვანია, რომ შევქმნათ ახალი შესაძლებლობები ახალგაზრდებისთვის, ხელი შევუწყოთ მათ ინტეგრაციას და დასაქმებას ისეთი მაღალანაზღაურებად სფეროში, როგორიცაა ტექნოლოგიები. ამ პროცესის მხარდაჭრისთვის და თანამშრომლობისთვის მადლობას ვუხდი აფხაზეთის მთავრობას", - ამბობს სქილვილის დამფუძნებელი, გიორგი მარიამიძე.

მნიშვნელოვანია, რომ თანამშრომლობის ფარგლებში, დაგეგმილია არაერთი აქტივობის განხორციელება, რაც ხელს შეუწყობს, ახალაგაზრდებში, ციფრული განათლების მიმართულებით ცნობიერების ამაღლებას, პროფესიული უნარების განვითარებას და მათი სამოქალაქო ინტეგრაციის ხელშეწყობას.

პროექტის ფარგლებში, კურსის წარმატებით დასრულების შემდეგ მონაწილეებს გადაეცემათ შესაბამისი სერტიფიკატები.

დაინტერესებულ პირებს, 15 სექტემბრამდე შეუძლიათ შეავსონ სარეგისტრაციო ფორმა.

(R)