ანა დოლიძე - იმპიჩმენტის ჩავარდნით „ქართულ ოცნებას“ კიდევ ერთხელ უნდა ვაჩვენოთ, რომ ისინი ქარის წისქვილებს დასდევენ და ამის მაგივრად ხალხის ინტერესებისთვის უნდა მუშაობდნენ

პარტია „ხალხისთვის“ ლიდერი, ანა დოლიძე საკუთარ ,,ფეისბუქზე” განცხადებას ავრცელებს.

როგორც დოლიძე აღნიშნავს, პრეზიდენტის იმპიჩმენტის ჩავარდნით ,,ქართულ ოცნებას” კიდევ ერთხელ უნდა ვაჩვენოთ, რომ ისინი დასდევენ ქარის წისქვილებს.

,,ქართულ ოცნებას'' ამ კრიმინალურ ბანდას უნდა ვუჩვენოთ, რომ მისი ძალაუფლება წარმავალია და შესაბამისად, მათ ვერ უნდა შეძლონ პრეზიდენტის იმპიჩმენტი. ამ ნაბიჯით მათ უნდა ვაჩვენოთ, რომ ქარის წისქვილებს კი არ უნდა დასდევდნენ, რეალურად უნდა მუშაობდნენ ხალხის პრობლემების გადასაწყვეტად”, - წერს ანა დოლიძე.