უკრაინის პრეზიდენტი, ვოლოდიმირ ზელენსკი ყირიმში რუსული საჰაერო თავდაცვის სისტემის განადგურებას ტრიუმფად აფასებს.

„მადლობას გიხდით დღევანდელი ტრიუმფისთვის – ჩვენი ყირიმის მიწაზე ოკუპანტების საჰაერო თავდაცვის სისტემის განადგურებისთვის. ეს არის ძალიან მნიშვნელოვანი მიღწევა, ყოჩაღ!” - აცხადებს ზელენსკი.

აღსანიშნავია, რომ უკრაინის მიერ განადგურებულ საჰაერო თავდაცვის სისტემის სახელწოდება "ტრიუმფია".

შეგახსენებთ, უკრაინის უსაფრთხოების სამსახურის სამხედრო კონტრდაზვერვამ და უკრაინის საზღვაო ძალებმა წუხელ ევპატორიასთან უნიკალური სპეცოპერაცია ჩაატარეს. სპეცოპერაციის დროს რუსული საჰაერო თავდაცვის სისტემა „ტრიუმფი" გაანადგურეს, რომლის ღირებულება 1.2 მილიარდ დოლარს შეადგენს. უკრაინელებმა სამიზნის წინააღმდეგ უპილოტო საფრენი აპარატები და "ნეპტუნის" რაკეტები გამოიყენეს.