ვფიქრობ, ნებისმიერი ქვეყანა, რომელიც მხარს უჭერს რუსეთს უკრაინაში გაჩაღებულ არაპროვოცირებულ ომში, რა თქმა უნდა, არა მხოლოდ ხელს შეუწყობს კონფლიქტის გახანგრძლივებას, არამედ უშუალოდ ჩაერთვება უდანაშაულო უკრაინელი მშვიდობიანი მოქალაქეების, ოფიციალური პირებისა და ბრძოლის ველზე მყოფთა მკვლელობაში, - ამის შესახებ პენტაგონის პრესსპიკერის მოადგილემ, საბრინა სინგმა განაცხადა.

მისი თქმით, რუსეთისთვის ნებისმიერი ტიპის საბრძოლო მასალის მიწოდება ომს გაახანგრძლივებს.

"ასე რომ, ჩვენ ძალიან საჯაროდ ვისაუბრეთ ჩრდილოეთ კორეის მიმართ ჩვენი გაფრთხილებების შესახებ. რუსეთისთვის ნებისმიერი ტიპის იარაღის მიწოდება დაარღვევს გაერო-ს უშიშროების საბჭოს რეზოლუციებს, რომლებსაც თავად რუსეთმა მისცა ხმა. ასე რომ, მოვუწოდებთ ჩრდილოეთ კორეას, არ დადოს შეთანხმება რუსეთთან. ნებისმიერი ტიპის საბრძოლო მასალის მიწოდება ომს გაახანგრძლივებს", - აღნიშნა საბრინა სინგმა.