სოჭში რუსეთისა და ბელარუსის პრეზიდენტების, ვლადიმერ პუტინისა და ალექსანდრე ლუკაშენკოს შეხვედრა მიმდინარეობს.

ბელარუსული მხარის ინფორმაციით, შეხვედრის მთავარი თემები საერთაშორისო დღის წესრიგი, რეგიონული საკითხები და ეკონომიკის სფეროში არსებულ ერთობლივი ამოცანები იქნება.

რუსეთის პრეზიდენტის პრესსპიკერმა, დიმიტრი პესკოვმა ჟურნალისტებს განუცხადა, რომ ეს შეხვედრა „ორი უახლოესი მოკავშირის კოორდინაცია და აზრთა გაცვლაა“.

ვლადიმერ პუტინმა მანამდე განაცხადა, რომ ბელარუს კოლეგასთან მოსკოვსა და მინსკს შორის ჩქაროსნული ავტომაგისტრალის შექმნაზე ისაუბრებს.