ევროკომისია, დიდი ალბათობით, უკრაინიდან სოფლის მეურნეობის პროდუქციის ევროკავშირის ხუთ ქვეყანაში იმპორტზე დაწესებულ აკრძალვას გაახანგრძლივებს, მაგრამ არა წლის ბოლომდე, - ინფორმაციას პოლონური მედია ავრცელებს.

მათივე ინფორმაციით, ყველაფერი იმაზე მიანიშნებს, რომ ემბარგოს გახანგრძლივების გადაწყვეტილებას მიიღებენ - თუმცა, შესაძლოა, არა წლის ბოლომდე, როგორც ამას პოლონეთის მთავრობა ითხოვს. მედია იუწყება, რომ არსებობს ემბარგოს გახანგრძლივების ძლიერი არგუმენტები, კერძოდ, მონაცემები იმის შესახებ, რომ უკრაინული იმპორტი, აკრძალვის მიუხედავად, იზრდება.

გავრცელებული ინფორმაციით, გადაწყვეტილებას დღის მეორე ნახევარში მიიღებენ, რადგან არავის სურს ამ საკითხის შუაღამემდე გაჭიანურება, როცა ემბარგოს ვადა ოფიციალურად ამოიწურება.