მეტი დრონი და ნაკლები რუსული გემი იქნება,- ამის შესახებ უკრაინის ვიცე-პრემიერმა და ციფრული ტრანსფორმაციის მინისტრმა მიხაილ ფედოროვმა Reuters-თან ინტერვიუში განაცხადა.

მისი თქმით, 2023 წელს უკრაინაში დრონების წარმოება 100-ჯერ მეტად გაიზარდა წინა წელთან შედარებით.

„მეტი დრონი იქნება, მეტი თავდასხმა იქნება, ნაკლები რუსული გემი იქნება. ეს დანამდვილებით. ვფიქრობ, ამა წლის ბოლომდე, წინას თუ შევადარებთ, ეს ზრდა დაახლოებით, 120-140-ჯერ იქნება,” - განაცხადა ფედოროვმა.

მინისტრის თქმით, უკრაინა ხელოვნური ინტელექტის სისტემებს ტესტავს, რომლებსაც მიზნის რამდენიმე კილომეტრის მოშორებით შეუძლიათ ლოკალიზება და მასზე დრონების გაშვება, რადიოლოკაციური ბრძოლის საშუალებების გამოყენების შემთხვევაშიც კი.