ჰააგის სისხლის სამართლის საერთაშორისო სასამართლოში რუსეთის წინააღმდეგ უკრაინის მიერ შეტანილ სარჩელზე მოსმენა დაიწყო.
კიევის მიერ რუსეთის უკრაინაში შეჭრის შემდეგ აღძრულ საქმეში აღნიშნულია, რომ მოსკოვმა შარშან, უკრაინაში შეჭრის გასამართლებლად გენოციდის კონვენცია ბოროტად გამოიყენა და რომ თავდასხმა ეფუძნებოდა აღმოსავლეთ უკრაინის ლუგანსკისა და დონეცკის რეგიონებში გენოციდის აქტების შესახებ ცრუ განცხადებებს.
„რუსეთმა გააჟღერა ცრუ ბრალდებები გენოციდის შესახებ, როგორც მისი ქმედებების საფუძველი, რომელიც უკრაინაში მილიონობით ადამიანის ადამიანის უფლებების მძიმე დარღვევას წარმოადგენს“, - აღნიშნულია უკრაინის სარჩელში.
სისხლის სამართლის საერთაშორისო სასამართლოში რუსეთის მიერ გაგზავნილი იურისტების გუნდის ხელმძღვანელმა, გენადი კუზმინმა 16-მოსამართლიან კოლეგიას განუცხადა, რომ საქმე არის „პროცესის ბოროტად გამოყენება“ და ის უნდა განადგურდეს.
„საქმე გამოუსწორებელ ხარვეზებს შეიცავს და ეწინააღმდეგება ამ სასამართლოს მრავალწლიან იურისპრუდენციას“, - აღნიშნა კუზმინმა.
