ლენტეხის მუნიციპალიტეტის მერმა გია ონიანმა, რაჭა-ლეჩხუმ - ქვემო სვანეთის სახელმწიფო რწმუნებულის მოადგილე ბერდია ჩანქსელიანთან და პირველ მოადგილე მარადი ლიპარტელიანთან ერთად, მერიის თანამშრომლებს მერის ახალი მოადგილე წარუდგინა. ამის შესახებ ინფორმაციას ლენტეხის მუნიციპალიტეტის მერია ავრცელებს.

მათივე ცნობით, აღნიშნული თანამდებობა ზვიადი ლობჟანიძემ დაიკავა.

„2007-2010 წლებში ზვიად ლობჟანიძემ ქუთაისის სამართლისა და ეკონომიკის უნივერსიტეტი ბიზნესის ადმინისტრირების განხრით დაამთავრა, ხოლო 2010 წელს სწავლობდა შინაგან საქმეთა სამინისტროს პოლიციის აკადემიაში-საგადასახადო და საბაჟო ფაკულტეტი.

ზვიად ლობჟანიძეს მუშაობის მრავალწლიანი გამოცდილება აქვს, როგორც საჯარო, ისე კერძო სექტორში. ფლობს ქართულ, ინგლისურ და რუსულ ენებს. ჰყავს მეუღლე და ერთი შვილი.

თავის მხრივ, ზვიად ლობჟანიძემ მადლობა გადაუხადა მერს ნდობისთვის და ყველა თანამშრომელს გულთბილი დახვედრისთვის“, - აღნიშნულია ინფორმაციაში.