„საბა“ 2023-ის საიუბილეო დაჯილდოების თარიღი ცნობილია. „თიბისის“ ცნობით, ლიტერატურული პრემია „საბასთვის“ წელს მნიშვნელოვანი თარიღია, ზუსტად 21 წლის წინ პოეტმა რატი ამაღლობელმა და „თიბისი ბანკმა“ კონკურსი ერთად დაარსეს.

19 სექტემბერს, 21:00 საათზე შატო მუხრანში გაიმართება საზეიმო ცერემონია, რომელიც ტელეკომპანია „ფორმულას“ პირდაპირი ეთერით გადაიცემა.

„2023 წელს საუკეთესო წიგნებსა და ავტორებს ჟიური 11 ნომინაციაში გამოავლენს. წელს წარმოდგენილი იყო სხვადასხვა ჟანრის 230-მდე წიგნი, რომელიც ჟიურიმ უკვე განიხილა და 8 ნომინაციაში ფინალისტების სიაც ცნობილია. ჟიური გამარჯვებულებს გამოავლენს შემდეგი ნომინაციებიდან: 1. საუკეთესო ლიტერატურული დებიუტი; 2. საუკეთესო პიესა; 3. საუკეთესო ლიტერატურული კრიტიკა; 4. უცხოური ნაწარმოების საუკეთესო ქართული თარგმანი; 5. საუკეთესო ესეისტიკა და დოკუმენტური პროზა; 6. საუკეთესო პროზაული კრებული; 7. საუკეთესო პოეტური კრებული; 8. საუკეთესო რომანი; 9. მკითხველის „საბა“; 10. ქართული ლიტერატურის განვითარებაში შეტანილი განსაკუთრებული წვლილისთვის; 11. მკითხველის „საბა“; 12. საბჭოთა და პოსტსაბჭოთა ისტორიის რეფლექსია ქართულ ლიტერატურაში.

დაელოდეთ, „საბა“ 2023-ის დაჯილდოებას 19 სექტემბერს, 21:00 საათზე, ტელეკომპანია „ფორმულას“ და „საბასა“ და „თიბისის“ Facebook გვერდებზე“,- აღნიშნულია ინფორმაციაში.