რუსეთის მიერ მეზობელი ქვეყნის წინააღმდეგ წარმოებული აგრესიული ომის გარშემო დისკუსიების დროს მსოფლიო თანამეგობრობამ ზოგადადამიანური პრინციპებისადმი თავისი ერთგულება უნდა დაადასტუროს.
განცხადება ამის შესახებ გაეროს 78-ე გენერალური ასამბლეის ფარგლებში სამუშაო პროგრამის დაწყების წინ გერმანიის კანცლერმა, ოლაფ შოლცმა გააკეთა.
„გასაგებია, რომ ამ კვირის განმავლობაში ჩვენ ისევ და ისევ რუსეთის პრეზიდენტის მიერ დაწყებულ დანაშაულებრივ ომზე ვისაუბრებთ. ჩვენ ამ საკითხს აქ არსებული ყველა შესაძლებლობის დროს განვიხილავთ და მოვითხოვთ, რომ მსოფლიო თანამეგობრობა თავისი პრინციპების ერთგული დარჩეს, გაეროს პრინციპების გათვალისწინებით, რომლებიც ძალის გამოყენებით სახელმწიფო საზღვრების შეცვლის დაუშვებლობას ნიშნავს“, – განაცხადა შოლცმა.
მისივე თქმით, ეს წესებსა და კანონზე დაფუძნებული მსოფლიო წესრიგის ნორმალური ფუნქციონირებისთვის აუცილებელი პირობაა.
