რუსულმა ძალებმა უკრაინის ქალაქებს დრონების გამოყენებით კიდევ ერთხელ შეუტიეს, - ინფორმაციას უკრაინის შეიარაღებული ძალების საჰაერო ძალები ავრცელებს. მათივე ინფორმაციით, წუხელ სამხედროებმა დააფიქსირეს Shahed-ის ტიპის დრონების გაშვება პრიმორსკო-ახტარსკიდან (კრასნოდარის ტერიტორია). უკრაინელებს მოუწოდეს არ უგულებელყონ საჰაერო განგაშის სიგნალი.

ცნობილი გახდა, რომ დრონებით თავდასხმა განხორციელდა ლვოვის, ივანო-ფრანკოვსკის და ხმელნიცკის ოლქებზე. ლვოვის სამხედრო ადმინისტრაციის ხელმძღვანელის, მაქსიმ კოზიცკი განცხადებით, ოლქში საჰაერო თავდაცვა მოქმედებს და ახალი თავდასხმების საფრთხე არსებობს.

მოგვიანებით, ლვოვის მერმა, ანდრეი სადოვიმ განაცხადა, რომ თავდასხმის შედეგად სამრეწველო საწყობში ხანძარი გაჩნდა და ამ დროისთვის არსებული ინფორმაციით, დაშავებულია ერთი ადამიანი.

გავრცელებული ინფორმაციით, აფეთქებების ხმების ისმოდა ხმელნიცკსა და კრივი-რიჰშიც.