ველით, რომ სომხეთი, უპირველეს ყოვლისა, შეასრულებს ნაკისრ ვალდებულებებს, დაწყებული ზანგეზურის დერეფნის გახსნით, - მედიის ინფორმაციით, ამის შესახებ თურქეთის პრეზიდენტმა, რეჯეფ თაიფ ერდოღანმა ნიუ-იორკში, გაერო-ს გენერალური ასამბლეის 78-ე სესიაზე სიტყვით გამოსვლისას განაცხადა.

მისი თქმით, საყოველთაოდ აღიარებულია, რომ ყარაბაღი აზერბაიჯანის ტერიტორიაა.

„როგორც საყოველთაოდ აღიარებულია, ყარაბაღი აზერბაიჯანის ტერიტორიაა და სხვა სტატუსი არ მიიღება. ჩვენ ვიცავთ დევიზს : „ერთი ერი, ორი სახელმწიფო“ და მხარს ვუჭერთ ტერიტორიული მთლიანობის აღდგენისკენ აზერბაიჯანის მიერ გადადგმულ ნაბიჯებს", - განაცხადა თურქეთის პრეზიდენტმა.