ჰააგაში, გაეროს საერთაშორისო სასამართლოში, რუსეთის მიერ გენოციდის აკრძალვის შესახებ კონვენციის ბოროტად გამოყენების თაობაზე საჯარო განხილვა გრძელდება. განხილვის მესამე დღეს სასამართლოში სიტყვით 32 სახელმწიფოს წარმომადგენლები გამოდიან.

სააგენტო „უკრინფორმის“ ცნობით, უკრაინის მხარდასაჭერად საქმეს 32 სახელმწიფო შეუერთდა, რაც პროცესში მონაწილეთა უპრეცედენტო რაოდენობაა.

„საუბარია ევროკავშირის 26 წევრ სახელმწიფოზე, უნგრეთის გარდა, და ასევე ავსტრალიაზე, კანადაზე, ახალ ზელანდიაზე, ნორვეგიაზე, ლიხტენშტაინსა და დიდ ბრიტანეთზე. პროცესზე წარდგენილი იქნა ბელგიის, ხორვატიის, დანიის, ესტონეთის, ფინეთის, ირლანდიის, ლუქსემბურგის, რუმინეთისა და შვედეთის ერთობლივი პოზიცია“, - ნათქვამია გავრცელებულ ინფორმაციაში.