სომხური ოპოზიციის წარმომადგენლები, რომლებიც პრემიერ-მინისტრ ნიკოლ ფაშინიანის გადადგომას ითხოვენ, პარასკევს ქვეყნის მთავრობის შენობის ბლოკირებას გეგმავენ, რათა სხდომა ჩაშალონ. ამის შესახებ რესპუბლიკის პირველმა პრემიერ-მინისტრმა ვაზგენ მანუკიანმა ერევანში გამართულ აქციაზე განაცხადა.

„ხვალ ამ შენობაში მთავრობის სხდომა უნდა გაიმართოს. 10:00 საათზე შენობას ალყა უნდა შემოვარტყათ, რომ სხდომა არ ჩატარდეს" , - განაცხადა მანუკიანმა.

მანვე განაცხადა, რომ შეიქმნა ეროვნული კომიტეტი, რომელიც კოორდინაციას გაუწევს საპროტესტო მოძრაობას, რომელშიც ერთიანდებიან საზოგადო და პოლიტიკური მოღვაწეები.

ბლოკის ,,დედა სომხეთი“ ლიდერი ანდრანიკ ტევანიანი გამოვიდა მოწოდებით, რომ პარასკევს გაიფიცონ და 6:30 საათიდან დედაქალაქის ქუჩები გადაკეტონ.