უკრაინის პრეზიდენტი, ვოლოდიმირ ზელენსკი ვაშინგტონში ვიზიტის ფარგლებში აშშ-ის კონგრესის წარმომადგენელთა პალატის სპიკერს, კევინ მაკკატის, წარმომადგენელთა პალატაში რესპუბლიკური პარტიის ლიდერს, სტივ სკალიზს და წარმომადგენელთა პალატაში დემოკრატიული პარტიის თავმჯდომარეს, ჰაქიმ ჯეფრისს შეხვდა.

აღნიშნული ინფორმაცია უკრაინის პრეზიდენტის საიტზე არის განთავსებული.

"ამერიკის შეერთებულ შტატებში სამუშაო ვიზიტის ფარგლებში, უკრაინის პრეზიდენტი აშშ-ის კონგრესის წარმომადგენელთა პალატის ორივე პარტიის ხელმძღვანელებს შეხვდა", - ნათქვამია განცხადებაში.

უკრაინის პრეზიდენტმა აღნიშნა, რომ მისი ქვეყანა კონგრესის წარმომადგენელთა პალატას, კონგრესს, ორივე პარტიას, აშშ-ს პრეზიდენტს, მის ადმინისტრაციას და ამერიკელ ხალხს მუდმივი მხარდაჭერისთვის მადლობას უხდის.