ერევანში, საპროტესტო აქციაზე 80-ზე მეტი ადამიანი დააკავეს
ერევანში მიმდინარე საპროტესტო აქციაზე, რომლის მონაწილეებიც პრემიერ-მინისტრ ნიკოლ ფაშინიანის პოლიტიკას აპროტესტებენ და მის გადადგომას მოითხოვენ, 84 ადამიანი დააკავეს.
მედიის ინფორმაციით, დაკავებულთა შორის არის სომხეთის ყოფილი პრეზიდენტის, რობერტ ქოჩარიანის ვაჟიც.
ცნობისათვის, სომხეთში საპროტესტო აქციები 19 სექტემბერს დაიწყო, როდესაც აზერბაიჯანის ხელისუფლებამ ყარაბაღში ანტიტერორისტული ოპერაციის დაწყების შესახებ განაცხადა. დღეს დილით აქციის მონაწილეებმა ერევნის ცენტრში, რესპუბლიკის მოედანზე მოძრაობა გადაკეტეს. ისინი ასევე ბლოკავენ მიმდებარე ქუჩებს სკამებით, ელექტრო სკუტერებით და ავტომობილებით.
