რუსეთის მიერ ანექსირებულ სევასტოპოლში რუსეთის შავი ზღვის ფლოტის შტაბ-ბინაზე სარაკეტო დარტყმა განხორციელდა.

ინფორმაციას რუსული მედია ე.წ. გუბერნატორზე, მიხეილ რაზვოჟაევზე დაყრდნობით ავრცელებს.

„მტრებმა სარაკეტო დარტყმა მიაყენეს ფლოტის შტაბ-ბინას. ფრაგმენტი ლუნაჩარსკის თეატრთან დაეცა“, - აცხადებს ე.წ. გუბერნატორი.

მისი ინფორმაციით, შემთხვევის ადგილზე მობილიზებულია ყველა შესაბამისი სამსახური. დაშავებულების შესახებ ინფორმაცია ზუსტდება.