ჩვენ ხომ დაგპირდით, რომ „გაგრძელება იქნება“. კიდევ ერთხელ მადლობას ვუხდი საჰაერო ძალების მფრინავებს, - ასე ეხმაურება უკრაინის საჰაერო ძალების მეთაური, გენერალ-ლეიტენანტი ნიკოლაი ოლეშჩუკი რუსეთის მიერ ანექსირებულ ყირიმში რუსეთის შავი ზღვის ფლოტის შტაბბინაზე დღეს განხორციელებულ თავდასხმას.

„სანამ ოკუპანტები მელიტოპოლში გამოჯანმრთელდებიან, ხოლო სევასტოპოლში საჰაერო თავდასხმის მაუწყებელი სიგნალი ისმის, კიდევ ერთხელ მადლობას ვუხდი საჰაერო ძალების მფრინავებს!“ - აცხადებს ოლეშჩუკი.

შეგახსენებთ, რუსეთის თავდაცვის სამინისტროს ინფორმაციით, უკრაინის შეიარაღებულმა ძალებმა სევასტოპოლში, შავი ზღვის ფლოტის შტაბბინაზე სარაკეტო დარტყმა განახორციელეს. ამ დროისთვის არსებული მონაცემებით, ერთი სამხედრო მოსამსახურე დაკარგულად ითვლება.