გორის მუნიციპალიტეტის მერის მოადგილე ნიქოზში იმყოფებოდა, სადაც მოზარდი მოინახულა, რომელსაც გუშინ საღამოს დენმა დაარტყა.

როგორც ნიკა ღვინიაშვილმა აღნიშნა, მერიის შესაბამისი სამსახურები კომპანიასთან ერთად შეისწავლიან ფაქტს.

"საბედნიეროდ, ბავშვი კარგადაა. მერიის შესაბამისი სამსახურები კომპანიასთან ერთად შეისწავლიან და გავიგებთ რა მოხდა. სტადიონი არაა ჯერ ჩაბარებული, სამუშაოები არ დასრულებულა“,- განაცხადა ნიკა ღვინიაშვილმა.

გორის მუნიციპალიტეტის მერიის ცნობით, დილიდან ადგილზე მუშაობს კომპანია, რომელიც ქვემო ნიქოზში სტადიონის მოწყობას ახორციელებს. კომპანიის თანამშრომლები კი ამოწმებენ და არკვევენ რამ გამოიწვია დენის გადატანა.

„ სტადიონის მშენებლობა ნიქოზში სამოქალაქო ბიუჯეტის ფარგლებში ხორციელდება. სამუშაოები ჯერ არაა დასრულებული,

პროექტით გათვალისწინებული სამუშაოები ჯერ გორის მერიას არ ჩაუბარებია და არ მიუღია.

სტადიონზე, როგორც ირკვევა, სამუშაოების დასრულებამდე ბავშვების შესვლა, სავარაუდოდ, თვითნებურად მოხდა“,- აღნიშნულია ინფორმაციაში.