რუსეთის მიერ უკრაინის საპორტო ქალაქ ოდესაზე განხორციელებული თავდასხმა სამაგიეროს გადახდის პათეტიკური მცდელობაა, - ამის შესახებ უკრაინის თავდაცვის სამინისტროს განცხადებაშია აღნიშნული.

უწყების მტკიცებით, კრემლმა პარასკევს, სევასტოპოლში რუსეთის შავი ზღვის ფლოტის შტაბ-ბინაზე უკრაინის მიერ განხორციელებულ თავდასხმას უპასუხა.

შეგახსენებთ, რუსეთმა ოდესაზე მასიური სარაკეტო თავდასხმა განახორციელა, რის შედეგადაც საპორტო ინფრასტრუქტურა, სასტუმრო და მარცვლეულის საცავები დაზიანდა. მაშველებმა ნანგრევებში ორი ადამიანის ცხედარი იპოვეს.