გივი მიქანაძემ სერბეთის კვოტით სტრასბურგის სასამართლოს მოსამართლის შერჩევაში მიიღო მონაწილეობა
ევროპის საბჭოს საპარლამენტო ასამბლეაში მუდმივმოქმედი დელეგაციის წევრმა, საქართველოს პარლამენტის განათლებისა და მეცნიერების კომიტეტის თავმჯდომარე გივი მიქანაძემ სერბეთის კვოტით სტრასბურგის სასამართლოს მოსამართლის შერჩევაში მიიღო მონაწილეობა. ინფორმაციას საქართველოს პარლამენტი ავრცელებს.
უწყების მიერ გავრცელებული ინფორმაციის თანახმად, ადამიანის უფლებათა ევროპული სასამართლოს მოსამართლეობის კანდიდატთა შესარჩევი კომიტეტის სხდომა საფრანგეთში, პარიზში გაიმართა.
„კომიტეტმა სერბეთის მიერ ადამიანის უფლებათა ევროპულ სასამართლოში მოსამართლის შესარჩევად წარდგენილი კანდიდატები (ვლადიმერ მარნიკოვი, ნატაშა პლავშიჩი და ბრანკო რაკიჩი) განიხილა და მათთან გასაუბრებაც ჩაატარა. ამის შემდეგ, ფარული კენჭისყრის შედეგები მოსამართლის ასარჩევად ევროპის საბჭოს საპარლამენტო ასამბლეას გადაეგზავნა, რომლის საშემოდგომო სესია სტრასბურგში 9-13 ოქტომბერს გაიმართება“,-ნათქვამია ინფორმაციაში.
v-if="article.gallery" v-html="article.gallery"
