რუსეთის საგარეო საქმეთა სამინისტროს განცხადებით, რუსეთი ყოველთვის მოკავშირის მიმართ ნაკისრი ვალდებულებების ერთგული იყო, სომხეთის რესპუბლიკის სახელმწიფოებრიობას პატივს სცემდა და არასდროს დაუყენებია ქვეყანა არჩევანთან: ჩვენთან ხართ, თუ ჩვენს წინააღმდეგ?

„მოსკოვი უწევდა და ახლაც უწევს ძმურ სომხეთს მასშტაბურ დახმარებას უსაფრთხოების, ეკონომიკისა და კულტურის დარგებში. 2020 წლის შემოდგომას რუსეთის ფედერაციის და პირადად ვლადიმერ პუტინის ძალისხმევამ არ დაუშვა სომხეთის სრული დამარცხება. თუ სომხეთის პრემიერ-მინისტრი, ნიკოლ ფაშიანიანი ზავზე რამდენიმე კვირით ადრე დათანხმდებოდა, მარცხი ნაკლებად მძიმე იქნებოდა“, - ნათქვამია განცხადებაში.

განცხადებაში, ასევე აღნიშნულია, რომ რუსი სამშვიდობოების თავგანწირული საქმიანობა, ხანდახან სიცოცხლის ფასადაც კი, –პირდაპირი დასტურია იმისა, რომ რუსეთს აზერბაიჯანელი და სომეხი ერების შორის მშვიდობის დამყარება სურს, რაზედაც სომხეთის პრემიერი არაფერს ამბობს.