ოზურგეთის მუნიციპალიტეტის ქვემო ნატანების საჯარო სკოლაში, სადაც ჭერი ჩამოინგრა, დროებით სასწავლო პროცესი შეწყდება. ამის შესახებ "ინტერპრესნიუსს" განათლებისა და მეცნიერების სამინისტროში განუცხადეს.

როგორც უწყებაში აღნიშნავენ, სკოლის რეაბილიტაცია დაგეგმილი იყო და სამუშაოები მიმდინარე წელს დაიწყება.

ცნობისთვის, სოფელ ქვემო ნატანებში საჯარო სკოლაში ჭერი დღეს ჩამოინგრა. როგორც „ინტერპრესნიუსს“ სოფელ ნატანებში მერის წარმომადგენელმა ვალერიან ვაჩეიშვილმა განუცხადა, ჭერიდან ჩამონგრეული ბათქაში ორ ადამიანს - დამლაგებელს და მშობელს დაეცა.

მისივე თქმით, არცერთ მათგანს სერიოზული დაზიანება არ მიუღია. მისივე ინფორმაციით, დამლაგებელი კლინიკაშია გადაყვანილი.

შემთხვევა სასწავლო პროცესის მიმდინარეობის დროს, მეორე ცვლაში მოხდა