ოლექსი დანილოვი - უკრაინა ATACMS-ის რაკეტებს რუსეთის ტერიტორიაზე დარტყმისთვის არ გამოიყენებს - ამ საკითხზე პარტნიორებთან შეთანხმება გვაქვს
უკრაინის დამცველები არ გეგმავენ, შორ მანძილზე მოქმედი ATACMS-ის რაკეტები, რომლებიც შეერთებულმა შტატებმა ქვეყანას, შესაძლოა, მალე გადასცეს, რუსეთის ტერიტორიაზე დარტყმისთვის გამოიყენოს, - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა გამოცემა ABC-სთან ინტერვიუში განაცხადა.
მისი თქმით, უკრაინელები ATACMS-ის რაკეტებს მხოლოდ უკრაინის ტერიტორიის დასაცავად გამოიყენებენ.
„ჩვენ არ გამოვიყენებთ მათ რუსეთის ტერიტორიაზე, ამ საკითხზე ჩვენს პარტნიორებთან შეთანხმება გვაქვს“, - აღნიშნა დანილოვმა.
