უკრაინის უსაფრთხოების სამსახურმა რუსეთის ფედერაციის კურსკის ოლქის სოფელ სნაგოსტში ელექტრო ქვესადგურზე დრონით დარტყმა განახორციელა, რის შედეგადაც ოლქის შვიდი დასახლება ელექტროენერგიის გარეშე დარჩა , - ამის შესახებ უკრაინულ გამოცემა Unian-ს ინფორმირებულმა წყაროებმა განუცხადეს, რომლებიც უსაფრთხოების სამსახურის წარმომადგენლები არიან.

"სპეცსამსახურის დრონმა ასაფეთქებელი მოწყობილობა ჩამოაგდო კურსკის ოლქის სოფელ სნაგოსტში მდებარე ელექტრო ქვესადგურზე, შედეგად შვიდი დასახლება ელექტროენერგიის გარეშე დარჩა", - აცხადებენ წყაროები გამოცემასთან საუბარში.

მათი მტკიცებით, „ასეთი „ბავოვნა“ იმის მტკიცებულებაა, რომ უკრაინის უსაფრთხოების სამსახურის სპეცოპერაციები ახალ დონეს აღწევს“.

"რუსებმა უნდა გააცნობიერონ, რომ თუ ისინი აპირებენ უკრაინის ენერგეტიკულ ობიექტებზე თავდასხმის გაგრძელებას, ამაზე მკაცრ პასუხს მიიღებენ. ჩვენი რესურსები ამის საშუალებას გვაძლევს. რუსებმა თავად უნდა იგრძნონ რა არის ელექტროენერგიის გარეშე ყოფნა, გამორთვის გრაფიკი და გენერატორების ძებნა“, - აღნიშნა წყარომ.