გლდანის რაიონის გამგეობა, საგზაო ინფრასტრუქტურის მოწესრიგების ფარგლებში, სოფელ გლდანში, 26 მაისის ქუჩის კეთილმოწყობას ახორციელებს. ინფორმაციას თბილისის მერია ავრცელებს.

მათივე ცნობით, აღმაშენებლის ქუჩიდან 26 მაისის ქუჩის ბოლომდე გზის რეაბილიტაცია მიმდინარეობს.

„სამუშაოების შედეგად, 13 000 კვადრატულ მეტრამდე ფართობზე ასფალტის საფარი იგება. აღნიშნულისთვის გამგეობის ბიუჯეტიდან დაახლოებით, 1 000 000 ლარამდე დაიხარჯება.

მიმდინარე სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე, საკრებულოს მაჟორიტარ დეპუტატ კონსტანტინე ზარნაძესთან ერთად გაეცნო“, - აღნიშნულია ინფორმაციაში.