გავრცელდა ინფორმაცია, თითქოს, წერეთლის გამზირის რეაბილიტაცია ვერ დასრულდა დათქმულ ვადაში - ეს არის სისულელე, ტყუილი, მოსახლეობის შეცდომაში შეყვანა, - ამის შესახებ დედაქალაქის მერის მოადგილემ, ირაკლი ბენდელიანმა დედაქალაქის მთავრობის სხდომის დასრულების შემდეგ ჟურნალისტებს განუცხადა.

როგორც ბენდელიანმა აღნიშნა, წერეთლის გამზირის რეაბილიტაცია იანვარში დასრულდება.

„რამდენიმე დღის წინ, ზოგიერთი ტელევიზიის მიერ გავრცელდა ინფორმაცია, თითქოს, წერეთლის გამზირის რეაბილიტაცია ვერ დასრულდა დათქმულ ვადაში. სრული პასუხისმგებლობით ვამბობ, რომ ეს არის სიცრუე, მოსახლეობის შეცდომაში შეყვანა. როდესაც ეს ობიექტი დავიწყეთ, ყველგან ხაზგასმით ვამბობდით, რომ წერეთლის გამზირის რეაბილიტაციის დასრულების ვადა იყო იანვრის თვე, გაურკვეველია, კონტრაქტში შიდა ეტაპები, კონკრეტული ეტაპის რა ვადა შეიცვლება, ეს ინფორმაცია არ უნდა მივაწოდოთ ისე, თითქოს, დაპირებული ვადა ვერ შესრულდა. სისულელე, ტყუილია, მიზანმიმართულად არის გავრცელებული“,- აღნიშნა ბენდელიანმა.