უკრაინის მიერ სევასტოპოლზე მიტანილი თავდასხმა აშშ-სა და დიდ ბრიტანეთთან კოორდინირებაში განხორციელდა.

აღნიშნული განცხადება რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ გააკეთა.

მისივე თქმით, თავდასხმა წინასწარ იყო დაგეგმილი და დასავლეთის სადაზვერვო საშუალებების, ნატოს სატელიტური მოწყობილობის და მზვერავი თვითმფრინავების გამოყენებით განხორციელდა.

„სევასტოპოლზე თავდასხმა ამერიკული და ბრიტანული სპეცსამსახურების მჭიდრო კოორდინაციით მოხდა. პატარა ეჭვიც კი არ არსებობს, რომ თავდასხმა დასავლეთის სადაზვერვო საშუალებების, ნატოს სატელიტური მოწყობილობის და მზვერავი თვითმფრინავების გამოყენებით განხორციელდა და მის რეალიზებაში აშშ-სა და დიდი ბრიტანეთის სპეცსამსახურები მონაწილეობდნენ. ასეთი ტერორისტული აქტების მიზანი აშკარაა - უკრაინის შეიარაღებული ძალების კონტრშეტევის ჩავარდნისგან ყურადღების გადატანა, ხალხის დაშინება და ჩვენს საზოგადოებაში პანიკის დათესვაა, მაგრამ თავის მიზანს ვერ მიაღწევენ“, - განაცხადა ზახაროვამ.