გია ვოლსკი შვეიცარიის საგარეო საქმეთა სამინისტროს კავკასიისა და დასავლეთ ბალკანეთის განყოფილების ხელმძღვანელს შეხვდა
საქართველოს პარლამენტის თავმჯდომარის პირველი მოადგილე გია ვოლსკი შვეიცარიის საგარეო საქმეთა სამინისტროს მშვიდობისა და ადამიანის უფლებების დეპარტამენტის კავკასიისა და დასავლეთ ბალკანეთის განყოფილების ხელმძღვანელს, კრისტოფ შპეტს შეხვდა. ინფორმაციას საქართველოს პარლამენტი ავრცელებს.
მათივე ცნობით, შეხვედრაზე მხარეებმა როგორც საქართველოში არსებულ ვითარებაზე, ასევე ოკუპირებულ ტერიტორიებზე არსებულ მდგომარეობასა და რუსეთის ფედერაციის აგრესიულ პოლიტიკაზე ისაუბრეს.
„სტუმრებისამშვიდობო პროცესის პერსპექტივით დაინტერესდნენ, რომლის გატარებასაც საქართველოს ხელისუფლება ტერიტორიული მთლიანობის საკითხებთან დაკავშირებით ცდილობს. მათი მხრიდან, შვეიცარიის მუდმივი მზადყოფნა კიდევ ერთხელ დადასტურდა, დაეხმაროს საქართველოს კონფლიქტების ტრანსფორმაციის პროცესში", - განაცხადა შეხვედრის შემდეგ ვოლსკიმ.
შეხვედრას ასევე, საქართველოში შვეიცარიის საელჩოს მრჩეველი სამხრეთ კავკასიაში ადამიანის უსაფრთხოების საკითხებში ნორბერტ რუტშე და საქართველოში შვეიცარიის საელჩოს ეროვნული მშვიდობისა და ადამიანის უფლებათა ოფიცერი გიორგი კანაშვილი ესწრებოდნენ.
v-if="article.gallery" v-html="article.gallery"
