პირდაპირ გვეუბნებიან, რომ ფარცხალაძე ივანიშვილის წარმომადგენელია - ღარიბაშვილიც ივანიშვილის წარმომადგენელია და ამიტომ არაფერს იზამენ, - ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა, რითაც ამერიკის შეერთებული შტატების მიერ დასანქცირებულ ყოფილ გენერალურ პროკურორთან, ოთარ ფარცხალაძესთან დაკავშირებით საქართველოს პრემიერ-მინისტრ ირაკლი ღარიბაშვილის მიერ გაკეთებული განცხადებები შეაფასა.

მისივე თქმით, ღარიბაშვილის ფარცხალაძეზე გაკეთებულ განცხადებაში გასაკვირი აღარაფერია, მაგრამ მაინც უნდა აღინიშნოს უტიფრობის დონეზე.

"ვიცოდით, რომ მოსკოვში დადიოდა, ურთიერთობა ჰქონდაო და აქ იგულისხმება, რომ იცოდნენ, რუსეთის მოქალაქე რომ გახდა. ან რატომ არ დაინტერესდნენ, რომ ასეთ დროს, როდესაც დასავლეთის სანქციებია და რუსეთის იზოლაციაა, ყოფილი მაღალი თანამდებობის პირი, მსხვილი ბიზნესმენი ჩვენს მტერთან იქ რაღაც სტრუქტურებს აგებს.

პირდაპირ გვეუბნებიან, რომ მათი, ივანიშვილის წარმომადგენელია ფარცხალაძე. ღარიბაშვილიც ივანიშვილის წარმომადგენელია და ამიტომ არაფერს იზამენ. დანარჩენი ბოდვა, რომ მტკიცებულებები არ გვაქვს და არ მოუმართავთო - არავინ უნდა მოგმართოს, შენი ქვეყნის მტერთან თუ ვინმე თანამშრომლობს, იმას პირველ რიგში, შენ უნდა იძიებდე", - აცხადებს გიგა ბოკერია.