ბელარუსი პოლონეთს საჰაერო სივრცის ორჯერ დარღვევაში ადანაშაულებს. ამის შესახებ განცხადებას ბელარუსის თავდაცვის სამინისტროს ავრცელებს.

მათი ინფორმაციით, დილით ბელარუსის სამხედრო-საჰაერო ძალების რადიოლოკაციურმა საშუალებებმა და საჰაერო თავდაცვის სამხედროებმა “პოლონეთის საჰაერო ხომალდის მოახლოება” დააფიქსირეს.

“დაახლოებით 15:20 საათზე საჰაერო ხომალდმა ბელარუსის რესპუბლიკის საზღვარი გადაკვეთა და კილომეტრ-ნახევრით სიღრმეში შევიდა. 16: 22 წუთზე ვერტმფრენმა განმეორებით დაარღვია სახელმწიფო საზღვარი და 300 მეტრით შემოვიდა”, - წერია განცხადებაში.

მათი თქმით, ბელარუსის საგარეო საქმეთა სამინისტრო აღნიშნულთან დაკავშირებით პროტესტის ნოტას ამზადებს.

პოლონურ მხარეს კომენტარები ჯერ არ გაუკეთებია.