„თიბისი“, როგორც ტექნოლოგიური კომპანია, მუდმივად ზრუნავს მომხმარებლებისთვის ცხოვრების გამარტივებაზე. თანხის განაღდება უკვე შესაძლებელია QR კოდით, რომელიც ციფრულ ბანკში ზედა მარჯვენა კუთხეშია მოთავსებული, - ამის შესახებ ინფორმაციას „თიბისი“ ავრცელებს.

მათივე ცნობით, QR კოდით თანხის განაღდებას თავისი უპირატესობები აქვს.

„მაგალითად, ბიომეტრიული იდენტიფიკაცია - თქვენი იდენტიფიცირება ხდება სახის ან ანაბეჭდის ვერიფიკაციით თქვენივე ტელეფონში.

უფრო უსაფრთხოა - QR განაღდება არის უსაფრთხო, რადგან თქვენ დაცული ხართ მობაილბანკში ბიომეტრიული იდენტიფიკაციით და დამატებით ერთჯერადი კოდით, რომელიც თქვენ მოგდით ბანკში რეგისტრირებულ მობილურის ნომერზე.

2-ჯერ უფრო სწრაფია - QR მეთოდით განაღდებას სჭირდება 2-ჯერ უფრო ნაკლები დრო, ვიდრე ბარათით ბანკომატიდან განაღდებას.

პროცესი უკონტაქტოა - თანხის განაღდებისას თქვენ არ ეხებით ბანკომატს. პროცესი სრულად იმართება მობილური ტელეფონიდან“, - აღნიშნულია გავრცელებულ ინფორმაციაში.

„თიბისის“ ცნობით, იმისათვის რომ QR-ით თანხის განაღდებით ისარგებლოთ, საჭიროა:

• განაახლოთ მობაილბანკის აპლიკაცია ბოლო ვერსიამდე
• გახსენით მობაილბანკი, აირჩიეთ QR ნიშანი ზედა მარჯვენა კუთხეში
• დაასკანერეთ QR კოდი ბანკომატის ეკრანზე
• აირჩიეთ ან შეიყვანეთ თანხა
• აირჩიეთ ბარათი
• დაადასტურეთ თანხა SMS კოდით
• გაანაღდეთ და აიღეთ თანხა