უკრაინის საგარეო საქმეთა სამინისტრო უნგრეთის პრემიერ-მინისტრის, ვიქტორ ორბანის განცხადებებს ეხმაურება, რომლის თქმითაც, საჭიროა ძალიან რთულ კითხვებზე პასუხის გაცემა მანამ, სანამ უკრაინის ევროკავშირში გაწევრიანების საკითხზე მოლაპარაკებები დაიწყება.

„დადებითად აღვნიშნავთ, რომ უნგრეთის პრემიერ-მინისტრი შეშფოთებულია უკრაინის ევროკავშირში გაწევრიანების გამო. გვსურს გაცნობოთ, რომ უკრაინას არ შეუცვლია თავისი ტერიტორია საერთაშორისოდ აღიარებულ საზღვრებში“, - აღნიშნულია უკრაინის საგარეო უწყების პრესსპიკერის, ოლეგ ნიკოლენკოს განცხადებაში.

უნგრეთის პრემიერ-მინისტრის, ვიქტორ ორბანის განცხადებით, საჭიროა ძალიან რთულ კითხვებზე პასუხის გაცემა მანამ, სანამ ევროკავშირი უკრაინასთან გაწევრიანების საკითხზე მოლაპარაკებებს დაიწყებს. „ჩვენ ვერ ავიცილებთ კითხვას - როდესაც შემოდგომაზე ბრიუსელში უკრაინის მომავალზე მოლაპარაკებები გვექნება - შეგვიძლია თუ არა სერიოზულად განვიხილოთ ქვეყნის გაწევრიანება, დაიწყოს გაწევრიანების შესახებ მოლაპარაკებები იმ ქვეყანასთან, რომელიც ომის მდგომარეობაშია", - აღნიშნა ორბანმა.