უკრაინამ აშშ-ის პრეზიდენტობის კანდიდატები თავისთან დაპატიჟა. ამის შესახებ უკრაინის პრეზიდენტის ადმინისტრაციის მრჩეველმა ანდრეი ერმაკმა ჟურნალისტებთან საუბარში განაცხადა.

მისი თქმით, უკრაინის პრეზიდენტის ადმინისტრაციას მუდმივი კონტაქტი აქვს ამერიკული კონგრესის ორივე პარტიასთან.

„ეს კონტაქტი მთელი დროის განმავლობაში გრძელდება. ვხვდებით როგორც რესპუბლიკური, ასევე დემოკრატიული პარტიის წარმომადგენლებს. მეტიც, ჩვენ ოფიციალურად დავპატიჟეთ პრეზიდენტობის ყველა კანდიდატი, რომელიც იქნებიან, რომლებიც არიან, და რომლებიც აპირებენ [კანდიდატები] გახდნენ, რომ უკრაინაში ჩამოვიდნენ,” - განაცხადა ერმაკმა.

მისი თქმით, ეს საჭიროა იმისთვის, რომ ისინი “უკრაინასთან დაკავშირებით საკუთარი პოზიციის ფორმირებას ახდენდნენ მას შემდეგ, რაც აქ მიმდინარე მოვლენებს საკუთარი თვალებით ნახავენ და არა დისტანციიდან.”

ერმაკმა აღნიშნა, რომ უკრაინაში ვიზიტით უკვე იყვნენ ნიუ-ჯერსის ყოფილი გუბერნატორი კრის კრისტი და ყოფილი ვიცე-პრეზიდენტი მაიკ პენსი.