რუსეთის პრეზიდენტმა, ვლადიმერ პუტინმა ოკუპირებული აფხაზეთის ე.წ. პრეზიდენტს, ასლან ბჟანიას გამარჯვებისა და დამოუკიდებლობის დღეს მიულოცა.

რუსული მედიის ცნობით, შესაბამისი ტელეგრამა კრემლის საიტზეა განთავსებული.

პუტინმა აღნიშნა, რომ რუსეთი მომავალშიც მზად არის დაეხმაროს „რესპუბლიკას“ აქტუალური სოციალურ-ეკონომიკური ამოცანების მოგვარებასა და ეროვნული უსაფრთხოების უზრუნველყოფის საკითხებში.

„პატივცემულო ასლან გიორგის ძევ, მიიღეთ გულითადი მილოცვა აფხაზეთის რესპუბლიკის ეროვნულ დღესასწაულთან დაკავშირებით. ოცდაათი წლის წინ აფხაზმა ხალმა დაუღალავ ბრძოლაში თავისუფალ, მშვიდობიან ცხოვრებაზე თავისი კანონიერი უფლება შეინარჩუნა... რუსეთი მომავალშიც მზად არის დაეხმაროს რესპუბლიკას“, - ნათქვამია განცხადებაში.

შეგახსენებთ, რომ დღეს ოკუპირებული აფხაზეთი ქართულ-აფხაზურ ომში „გამარჯვების“ 30-ე წლისთავს აღნიშნავს.