მომავალი წლის სახელმწიფო ბიუჯეტი 1 423,4 მლნ ლარის ოდენობით ვალის დაფარვას ითვალისწინებს, 2024 წლის ბოლოსთვის კი, საქართველოს მთავრობის ვალი მთლიანი შიდა პროდუქტის 38.2% იქნება.

ამასთან, როგორც ბიუჯეტის პროექტის განმარტებით ბარათშია აღნიშნული, 2024 წელს სახელმწიფოს ერთიანი ბიუჯეტის უარყოფითი მთლიანი სალდო, 2 162,0 მლნ ლარით განისაზღვრება, რაც პროგნოზირებული მთლიანი შიდა პროდუქტის 2.5%-ს შეადგენს (დადგენილი ზღვარი – მშპ-ის 3%).

„2024 წლის ბოლოსთვის საქართველოს მთავრობის ვალის ზღვრული მოცულობა − მთლიანი შიდა პროდუქტის (მშპ-ის) 38.2%-ით, ხოლო საჯარო და კერძო თანამშრომლობის პროექტების ფარგლებში აღებული ვალდებულებების მიმდინარე ღირებულების საორიენტაციო შეფასება (2022 წლის 31 დეკემბრის მდგომარეობით) − მთლიანი შიდა პროდუქტის (მშპ-ის) 0.1%-ით − ჯამი: მშპ-ის 38.3% (დადგენილი ზღვარი – მშპ-ის 60%). რაც შეეხება საერთაშორისო სავალუტო ფონდის პროგრამით გაანგარიშებული ნაერთი ბიუჯეტის მოდიფიცირებულ დეფიციტს, მისი მოცულობა 2 172,0 მლნ ლარია და მშპ-ს 2,5%-ს შეადგენს. 

სახელმწიფო ბიუჯეტის შემოსულობები - წარმოდგენილი პროექტის მიხედვით, საქართველოს 2024 წლის სახელმწიფო ბიუჯეტის შემოსულობების ჯამური მაჩვენებელი წინა წლის დამტკიცებული გეგმით გათვალისწინებულ მაჩვენებელთან შედარებით გაზრდილია 1 967,4 მლნ ლარით და განისაზღვრება 23 881,7 მლნ ლარის ოდენობით. მათ შორის: შემოსავლები - 19 883,9 მლნ ლარი (2023 წლის დამტკიცებულ გეგმასთან შედარებით გაზრდილია 2 264,0 მლნ ლარით); საგადასახადო შემოსავლები შეადგენს 18 322,9 მლნ ლარს, რაც დამტკიცებულ გეგმასთან შედარებით გაზრდილია 2 032,5 მლნ ლარით, ხოლო განახლებულ პროგნოზს აღემატება 1 612,5 მლნ ლარით, მათ შორის: საშემოსავლო გადასახადის საპროგნოზო მაჩვენებელი განისაზღვრა 6 168,9 მლნ ლარით, რაც 2023 წლის დამტკიცებულ გეგმას აღემატება 1 028,9 მლნ ლარით, ხოლო განახლებულ პროგნოზს 682,6 მლნ ლარით; მოგების გადასახადის საპროგნოზო მაჩვენებელი განისაზღვრა 2 063,0 მლნ ლარის ოდენობით, რაც 2023 წლის დამტკიცებულ გეგმას აღემატება 63,0 მლნ ლარით; დამატებული ღირებულების გადასახადის საპროგნოზო მაჩვენებელი განისაზღვრა 7 388,3 მლნ ლარის ოდენობით, რაც 2023 წლის დამტკიცებულ გეგმას აღემატება 718,0 მლნ ლარით, ხოლო განახლებულ პროგნოზს 584,3 მლნ ლარით; აქციზის საპროგნოზო მაჩვენებელი განისაზღვრა 2 365,1 მლნ ლარის ოდენობით, რაც 2023 წლის დამტკიცებულ გეგმას აღემატება 265,1 მლნ ლარით, ხოლო განახლებულ პროგნოზს 145,1 მლნ ლარით; იმპორტის გადასახადის საპროგნოზო მაჩვენებელი განისაზღვრა 161,2 მლნ ლარით, რაც 2023 წლის დამტკიცებულ გეგმას აღემატება 31,2 მლნ ლარით, ხოლო განახლებულ პროგნოზს 11,2 მლნ ლარით; სხვა გადასახადის საპროგნოზო მაჩვენებელი განისაზღვრა 176,3 მლნ ლარის ოდენობით (განახლებულ პროგნოზთან შედარებით იზრდება 126,2 მლნ ლარით). სხვა შემოსავლების პროგნოზი 2023 წლის დამტკიცებულ გეგმასთან შედარებით იზრდება 250.0 მლნ ლარით და განისაზღვრება 1 300,0 მლნ ლარის ოდენობით (განახლებულ პროგნოზთან შედარებით გაზრდილია 50,0 მლნ ლარით);

გრანტების სახით დაგეგმილი მაჩვენებელი განისაზღვრება 261,0 მლნ ლარის ოდენობით, მათ შორის: საბიუჯეტო გრანტების ფარგლებში მისაღები შემოსავლები შეადგენს 100,0 მლნ ლარს. საინვესტიციო გრანტები შეადგენს 46,0 მლნ ლარამდე; სსიპ-ების მიერ კანონის 35-ე მუხლის შესაბამისად გადმოსარიცხი თანხები შეადგენს 115.0 მლნ ლარს; არაფინანსური აქტივების კლების (პრივატიზაცია) სახით მისაღები თანხების გეგმა შეადგენს 200.0 მლნ ლარს; ფინანსური აქტივების კლების (სესხების დაბრუნება) მაჩვენებელი განისაზღვრა 300.0 მლნ ლარის ოდენობით (2023 წელთან შედარებით შემცირდა 150,0 მლნ ლარით); ვალდებულებების ზრდის სახით მისაღები სახსრები განისაზღვრა 3 497,8 მლნ ლარის ოდენობით მათ შორის: საშინაო ფასიანი ქაღალდების გამოშვებით მისაღები სახსრები შეადგენს 1 500.0 მლნ ლარს. საინვესტიციო კრედიტების მაჩვენებელი შეადგენს 1 547.8 მლნ ლარს;საბიუჯეტო დახმარების სახით მისაღები კრედიტების მაჩვენებელი შეადგენს 450,0 მლნ ლარს.

ამავდროულად ბიუჯეტი ითვალისწინებს ვალის დაფარვას 1 423,4 მლნ ლარის ოდენობით, შესაბამისად ვალდებულებების წმინდა ზრდა 2 074,4 მლნ ლარს შეადგენს“,- ნათქვამია 2024 წლის ბიუჯეტის პროექტის განმარტებით ბარათში.

ამასთან, სახელმწიფო ბიუჯეტის ასიგნებების მოცულობა შეადგენს 24 161,2 მლნ ლარს (2023 წლის დამტკიცებულ გეგმასთან შედარებით იზრდება 2 281,1 მლნ ლარით, ხოლო 2023 წელს დაგეგმილი ბიუჯეტის ცვლილების პროექტთან შედარებით იზრდება 1 849,9 მლნ ლარით).