სლოვაკეთში საპარლამენტო არჩევნები მიმდინარეობს. Reuters-ის შეფასებით, საპარლამენტო არჩევნების შედეგები ქვეყნის საგარეო პოლიტიკური კურსის განსაზღვრაში საკმაოდ მნიშვნელოვანი იქნება.

წინასაარჩევნო გამოკითხვების მიხედვით არჩევნებში პრო-დასავლური ლიბერალური პარტია „პროგრესული სლოვაკეთი“ და მემარცხენე ყოფილი პრემიერ-მინისტრის, რობერტ ფიკოს პარტია “სლოვაკი სოციალ-დემოკრატები“ ლიდერობენ.

მედიის ცნობით, რობერტ ფიკოს პარტია რუსეთ-უკრაინის ომში უკრაინის სამხედრო დახმარების წინააღმდეგია და მათი გამარჯვების შემთხვევაში, შესაძლოა, სლოვაკეთმა უნგრეთის მსგავსად უკრაინის მხარდაჭერაზე უარი თქვას.

„პროგრესული სლოვაკეთის“ გამარჯვების შემთხვევაში კი, ქვეყანა არსებულ საგარეო პოლიტიკურ კურსს შეინარჩუნებს და უკრაინის მხარდაჭერას გააგრძელებს.