კიევში დღეს ევროკავშირის საგარეო საქმეთა მინისტრების შეხვედრა იმართება. "ჩვენ აქ ვართ, რათა გამოვხატოთ ჩვენი სოლიდარობა და მხარდაჭერა უკრაინელი ხალხის მიმართ", - განაცხადა ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ჯოზეფ ბორელმა.

მან შეხვედრას ისტორიული უწოდა და აღნიშნა, რომ ეს არის პირველი შემთხვევა, როდესაც ბლოკის საგარეო საქმეთა მინისტრები ევროკავშირის საზღვრებს მიღმა ხვდებიან ერთმანეთს.

"უკრაინის ადგილი ევროკავშირშია", - წერს ბორელი სოციალურ ქსელში.

ცნობისათვის, დღეს ევროკავშირის საგარეო საქმეთა მინისტრების შეხვედრა, უსაფრთხოებასთან დაკავშირებული მიზეზების გამო, წინასწარ არ გამოცხადებულა.