რუმინეთი გააგრძელებს უკრაინის დახმარებას სამხედრო სფეროში, მარცვლეულის ტრანზიტისა და ევროკავშირში გაწევრიანების საკითხებში, - ამის შესახებ რუმინეთის საგარეო საქმეთა მინისტრმა, ლუმინიტა ოდობესკუმ კიევში, ევროკავშირის საგარეო საქმეთა მინისტრების შეხვედრის წინ განაცხადა.

„დღეს ჩვენ განვიხილავთ უსაფრთხოებას და სამხედრო ვითარებას, ასევე უკრაინის დახმარებას როგორც ორმხრივ, ასევე ევროკავშირისა და ნატოს ფარგლებში. რუმინეთსა და ევროკავშირის სხვა წევრ სახელმწიფოებს, რომლებსაც უკრაინასთან გრძელი საზღვრები აქვთ, კარგად ესმით უკრაინაში მიმდინარე ომის შედეგები“, - აღნიშნა რუმინეთის საგარეო საქმეთა მინისტრმა.

ოდობესკუმ ხაზი გაუსვა იმას, რომ რუსეთის აგრესია უკრაინის წინააღმდეგ პირდაპირ გავლენას ახდენს რუმინეთზეც, რადგან ცოტა ხნის წინ რუმინეთის ტერიტორიაზე რუსული დრონების ნამსხვრევები აღმოაჩინეს.