„ევროპელი დემოკრატების“ ლიდერები პაატა დავითაია და ნიკოლოზ ვაშაკიძე ვარშავის უსაფრთხოების ფორუმში მონაწილეობენ
პარტია „ევროპელი დემოკრატების“ თავმჯდომარე პაატა დავითაია და პოლიტიკური საბჭოს თავმჯდომარე ნიკოლოზ ვაშაკიძე ვარშავის უსაფრთხოების ფორუმში იღებენ მონაწილეობას. „ევროპელი დემოკრატების“ ინფორმაციით, ფორუმი 3 - 4 ოქტომბერს ვარშავაში იმართება.
„ვარშავის უსაფრთხოების ფორუმი უმნიშვნელოვანესი ევროპული პლატფორმაა, რომელიც განიხილავს ევროპის უსაფრთხოების გამოწვევებს.
ფორუმზე ასევე განხილული იქნება ევროკავშირის გაფართოების საკითხები უკრაინა - საქართველო - მოლდოვასთან დაკავშირებით, რუსეთის ომი უკრაინაში და რუსეთიდან მომდინარე რისკები“, - განაცხადა პატა დავითაიამ.
ვიზიტის ფარგლებში დაგეგმილია პაატა დავითაიას და ნიკოლოზ ვაშაკიძის შეხვედრები ევროპის საგარეო და უსაფრთხოების საკითხებზე მომუშავე პოლიტიკოსებთან და ორგანიზაციების წარმომადგენლებთან.
