დღეს, შიიტი მუსლიმები ერთდროულად აღნიშნავენ ორ დღესასწაულს, წინასწარმეტყველ მუჰამედის დაბადების დღეს, რომელიც ტრადიციის მიხედვით დაიბადა ქალაქ მექაში 570 წელს და მეექვსე იმამის, ჯაფარ ას-სადიკის დაბადების დღეს, რომლის სახელთანაა დაკავშირებული ჯაფარიანთა საღვთისმეტყველო-სამართლებრივი სკოლის დაფუძნება.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

რელიგიის საკითხთა სახელმწიფო სააგენტო ულოცავს შიიტურ სამყაროს და საქართველოს შიიტ მუსლიმებს ამ დღესასწაულებს და უსურვებს მათ სიკეთეს, მშვიდობას და წარმატებას.