უკრაინელებმა რუსების გაშვებული ფრთოსანი რაკეტა და Shahed-ის ტიპის 29 დრონი ჩამოაგდეს

რუსულმა ძალებმა 3 ოქტომბრის ღამეს უკრაინის ტერიტორიას Shahed-ის ტიპის 31 დრონითა და „ისკანდერის“ ფრთოსანი რაკეტით შეუტიეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ცნობით, უკრაინელებმა 30 საჰაერო სამიზნის განადგურება შეძლეს.

უკრაინის საჰაერო ძალებში აცხადებენ, რომ რუსებმა დრონები ჩაუდას კონცხიდან, ფრთოსანი რაკეტა კი ჯანკოის რაიონიდან გაუშვეს, თუმცა უკრაინის საჰაერო ძალებმა მტრის რაკეტა და 29 დრონი ჩამოაგდეს.