თურქეთის შინაგან საქმეთა მინისტრის, ალი იერლიკაიას განცხადებით, ქვეყანაში, ტერორისტების წინააღმდეგ, 466 ოპერაცია, სახელწოდებით „გმირები“ მიმდინარეობს.

მისი ინფორმაციით, 8 საშუალო და 458 მცირე მასშტაბის ოპერაცია ქვეყნის 16 პროვინციაში ხორციელდება და დაკავებულია ტერორისტული ორგანიზაციის ათობით სავარაუდო წევრი.

თურქეთის შინაგან საქმეთა მინისტრის განცხადებით, ოპერაციებში უსაფრთხოების სამსახურის 13 440 თანამშრომელია ჩართული.

„მინდა, ჩვენმა ძვირფასმა ერმა იცოდეს, რომ არცერთ ტერორისტზე არ დავხუჭავთ თვალს. გავაგრძელებთ ბრძოლას შეუჩერებლად, ჩვენი უსაფრთხოების ძალების უდიდესი ძალისხმევით", - განაცხადა ალი იერლიკაიამ.