დავით კირკიტაძის განცხადებით, „ქართული ოცნების“ მხრიდან პრეზიდენტის იმპიჩმენტის პროცესის წამოწყების მიზანი ევროინტეგრაციის პროცესისთვის ხელის შეშლა და რეალური პრობლემებიდან ყურადღების გადატანაა
„ერთიანი ნაციონალური მოძრაობის“ დეპუტატის დავით კირკიტაძის განცხადებით, „ქართული ოცნების“ მხრიდან პრეზიდენტის იმპიჩმენტის პროცესის წამოწყების მიზანი ევროინტეგრაციის პროცესისთვის ხელის შეშლა და რეალური პრობლემებიდან ყურადღების გადატანაა.
„ქართული ოცნების” მხრიდან მიზანი ამ მავნებლური პროცესის წამოწყებისა არის ორი: პირველი ის, რომ უნდათ ხელი შეუშალონ ჩვენი ქვეყნის ევროინტეგრაციის პროცესს და მეორე ის, რომ ყურადღება გადაიტანონ იმ რეალური პრობლემებიდან, რომელიც საქართველოს მოქალაქეს აწუხებს. ჩვენი პოზიცია აღნიშნულ საკითხთან დაკავშირებით უცვლელია. ეს პროცედურა დაწყებულია არასწორი მოტივაციით არასწორ დროს და ჩვენ ამ პროცესში ჩართვას არ ვაპირებთ, არც დარბაზში ყოფნას ვაპირებთ და არც ამ საკითხის განხილვას რაიმე სახით, რადგან მიგვაჩნია, რომ ეს არის “ქართული ოცნების” დღის წესრიგი, რომელიც გვაშორებს რეალურ პრობლემებს და რეალურ გამოწვევებს, რომელიც ჩვენს ქვეყანას აქვს.” - განაცხადა დავით კირკიტაძემ.
