აშშ-ის არმია მზადაა, უკრაინაში კასეტური საბრძოლო მასალით აღჭურვილი შორ მანძილზე მოქმედი ATACMS-ის რაკეტები გაგზავნოს, როგორც კი პრეზიდენტი ჯო ბაიდენი მათ გადაცემას დაამტკიცებს, - Bloomberg-ის ინფორმაციით, ამის შესახებ აშშ-ის თავდაცვის მინისტრის თანაშემწემ, დუგ ბუშმა განაცხადა.

მისი თქმით, აშშ-ის არმია დიდი ხანია მზადაა მოვლენების ასეთი განვითარებისთვის და რომ შეერთებული შტატები მზად არის "სწრაფად იმოქმედოს“.

„ჩვენ მზად ვართ ეს გავაკეთოთ, როდესაც და თუ პრეზიდენტი გადაწყვეტს”, - აღნიშნა დუგ ბუშმა.

მისი განმარტებით, ATACMS-ის გაშვება შესაძლებელია იმავე გამშვებიდან, რომლებსაც უკრაინა უკვე GPS-ით მართული რაკეტების გასაშვებად იყენებს.

ATACMS-ის კასეტური იარაღის მოქმედების რადიუსი 25-300 კილომეტრია და ის 300-დან 950-მდე კასეტური საბრძოლო მასალითაა აღჭურვილი.