„ევროპელი დემოკრატები“ ჩრდილოეთ მაკედონიის თავდაცვის მინისტრთან ვარშავის უსაფრთხოების ფორუმზე შეხვედრებს მართავენ
„ევროპელი დემოკრატების“ თავმჯდომარე პაატა დავითაია და პოლიტიკური საბჭოს თავმჯდომარე ნიკოლოზ ვაშაკიძე ვარშავის უსაფრთხოების ფორუმის ფარგლებში შეხვედრებს მართავენ.
ინფორმაციას პარტია „ევროპელი დემოკრატები“ ავრცელებს.
მათივე ცნობით, დღეს პაატა დავითაიამ ჩრდილოეთ მაკედონიის თავდაცვის მინისტრთან, სლავიანკა პეტროვსკაიასთან შეხვედრა გამართა.
„ორმხრივ შეხვედრაზე საუბარი შეეხო საქართველოსთვის ევროკავშირის კანდიდატი წევრი ქვეყნის სტატუსის მინიჭებას და ქვეყნის ევროკავშირში გაწევრიანების, ასევე საქართველოს ნატოში ინტეგრაციასთან დაკავშირებულ გამოწვევებს.
დავითაიას განცხადებით, ჩრდილოეთ მაკედონიის თავდაცვის მინისტრმა მზაობა გამოთქვა, საქართველოს მიმართ ნატოში ინტეგრაციის პროცესში მხარდაჭერა გამოხატოს.
შეხვედრაზე პაატა დავითაია და სლავიანკა პეტროვსკაია შემდგომი თანამშრომლობის საკითხებზეც შეთანხმდნენ“, - აღნიშნულია გავრცელებულ ინფორმაციაში.
